ابن ابو تركي : فواز الروقي

بسم الله الرحمن الرحيم

اهلا وسهلا بكم في موقعنا ونحن سعداء بتواجدكم الدائم في هذه الصفحه قصيده للشاعر المعروف :

فواز علي الروقي . المعروف باسم :” شاعر الوحده وا لسكون ”

وهي في ملك العرب والانسانيه ملك القلوب الذي تولى الحكم السعودي عام 1426/6/26 يوم الاثنين

بعد وفاة اخيه الملك الحكيم : فهد بن عبدالعزيز رحمه الله

القصيده بعنوان : إبن ابو تركي ” عبدالله بن عبدالعزيز ال سعود “

———————————————————————-

—————————————————————-
جيت أبا اكتب جيت أغني جيت اوصف باللحون
……….
فالــــذي أطــرب هجــوسي وأنعش القلب بنبــاه


في ملكنا اللي وصـــوفــه عـاليــه ماهيـــب دون
……….
فبـــو متعب صقرنا اللي مانبا قـايــد ســـــــــواه


نســل أبو تركي صليب الـــراي غلاب الضنون
……….
قاهــــرٍ يقهــر عــــدوه فـالــزحـام إليــا نصــاه


صيــرمـيٍ يـصـرم القـاسـي يـهـيــن ولايـهـــون
……….
ومــن تـعـــدى عــن حــدوده دايــم ٍ يـلـعـن ثواه


مــايـهـاب ولايـبـالي مـــن خصــوم ومــدعــون
……….
ولــن حكـا قــدام خصمه بـرد الــدم في شـــواه


ونخــوتـه إلها جميع الشعب دايــم ينتخـــــــــون
……….
كان ســر وكان ضـر الكـل يـامـبـعــد هُـقـــــاه


كلهم شجعان خلفه مــاش خـبـــل ومــــاش دون
……….
ســكنــه ربي بقلب الشعب وأيضاً فـــي دمـــاه


قــايــدٍ قلبــه حنــون وكلبــونــا مــــشــــتـــرون
……….
نشتــريــه بمــالنــا وأرواحـنــا ونبقى فـــــــداه


كم عطانا وكم عطانا وكم ذبـح غبــن مغبــــون
………
وكم رفع صرحٍ طريــح ورجعـه فـي مستــواه


وكم قـــومٍ إرتـقـــوا وقبـلـه مـنـول منتحــــــون
……….
وأصبحوا في خير حال وشافوا الأرض وسماه


وكم أدب بـالـشــرع والــديــن قــومٍ يفسقـــــون
……….
وأصبحوا بأفضل عمل بيــن التجاره والصلاه


قـــومٍ منــول عملهــم يجهلــون ويــرفثـــــــون
……….
وإتـركـوا درب الـرذيـله وإتبعــوا كامـل نــداه


وكم عطـانـا من يمينه والأوادم ينظــــــــــرون
……….
وحكمته نحسـد علاها بكل يــم وكل جــــــــاه


وكم سجينن من قيــوده اطلقه مــن دون لــــون
……….
اطلق الأســرى وربي مــرسلـه إلهــــــــم نجاه


وأفـــرح أبناءه وزوجـه ولعيـــون الأقـربـــون
……….
ووقفــوا يدعــون ربي يحفظـه ويبقــــــى ولاه


وكم عاجـــز راتبـه شهـــري مسماً بسـم شـون
……….
وكل شايب حقق أهـــدافـه وحـــقـــق مبتــــغاه


بالعـــدد يصرف علاهم لـوهــــــــم لايحسبون
……….
الله عــزهــم بـالقـايــد اللي ذاء عــــطــــــــــاه


وكم منازل للبــــــدوا بنيت بها يستوطنــــــون
……….
ومن فضل ربي وفضله ودعـــــــوا دار الفلاه


وأصبحوا بين القــــرى والمــدن جمعاً ينزلون
……….
هــاديٍ هـاديــه ربي وللمخاليـــق مهــــــــــداه


والبــــدوا قامت تطــــور والبني يتعلمــــــــون
……….
ياعسى ربي يمــــده بالعـــــوافي والحيــــــــاه


وكم عــداتٍ نـــاويــه مـوته بغــدرٍ يزحفــــون
……….
بـــس ربي كـاد كيـــد إعــداه وأمســوا في يداه


وســرح المـرســول منهـم بلــغ اللي مرسلــون
……….
الخطاء مانقبــلـه وأنتــم لهــم مني زكـــــــــــاه


مثــــل جـــده يـــوم جــات الليبيه بما يطحنون
……….
العفـــو طبعــه وربي علمـــه هـــاذي عــــــداه


وكـم دوله مزعــت وقـــال لازم تجمعـــــــون
……….
والسلاح اللي قتــــلكـــم مـن يـداكــم فالغــــزاه


والتعاون والتكاتف والتعاون منه قوه تصنعون
……….
ولاتحلوا مجزرتكم ولاحـــــدٍ يتبــع هـــــــــواه


ووسط مكـــــه جاب إبن عباس واللي ينكرون
………
ووحــد الكلمه وقال القـــــدس صفوا في حمــاه


وكم تفكك إجمعه ولافيه غيـــــــــره يصملون
……….
وإعتزاء بان الخطا ماحرك إجبال الســـــــراه


في نهارٍ به فــؤاد يــون من كثـــــــر الطعون
……….
وكن قلبه في يـــد العــــدوان يشـــواء كالشواه


يوم حل الكفــــر بأرضه يقتلــون ويهــدمـون
……….
جالها صقر العروبه دام ربي هــــو رجــــــاه


وشال من أزر العــرب واللي لـــداره يلتجون
……….
ليــــن شــد إحزامها وأمست على الغاشم ولاه


سيــدي عبـــــــــــــدالله مـن مـلــوكٍ يرحمون
……….
ولاحــدٍ يقـــدر يهــوزه ولاحـدٍ شاقــر عصاه


سادتٍ مايظلمون ولاهــــــــــــم اللي يظلمون
……….
دايـــمٍ مع الـرعيــه والـرعيــه مع الـرعــــــاه


اللـــــه يعـــزه بعـــزه للعـــرب والمسلمــــون
……….
وياعسى ربي يكثر فافـئـــدتـنــا مــــــن غلاه


واللــــــه يثبت خطاه أمـام كفـــر ومعتـــدون
……….
وتسهل دروبه ويفرح مشيها دايـــــــــم خطاه


هــو سيــدنـا وحنى تحت أمـــر السيــــــدون
……….
لن زعل معه زعلنا ونفـــــرح بضحكه جماه


إبن أبو تركي ترى الكايــــد لها دوم الــزبون
……….
مـوحــد الـدولـه بسيــفــه والرجال اللي وراه


يوم جــــوها مع صلاه الصبح وإبها ملتوون
……….
من الكويت اول مسيره والرياض اول مُنــاه


يوم باليمنى الذريفه ســـــاق خصمه فالمتون
……….
براس شلفاً من تصيبه دايــــــمٍ يعرف وفــاه


ثم صبح كل قـــوم وكـل جمعٍ يعبثــــــــــون
……….
وحرم القتـــل الحرام وبـــان نـوره من سناه


وحرم السلب الحرام وعاقب اللي يســرقون
……….
وكل فاسق فالجزيره صار مبـــــــذوذٍ خفاه


قـــومٍ منـول عملهـــــــم ينحرون ويجزرون
……….
ولاينومسهـم ياكود الـرجل يـرفــس في دماه


جاهليــــــه يهجــــدون أقـرابهــم ويصبحون
……….
وكل واحد لن فســـق تقــول قــومــه ماعلاه


ثم صخـرهـم وعلمهـم لمنـهــو يعبــــــــدون
……….
وحــدهــم حــد الحيــــود لسيل مقوى منتحاه


ثم حكم بالعــدل فيــهـم ثم صاروا يبصرون
……….
وإنقرض فعل الفساد واصبحـــوا قـومٍ هُـداه


هكـذا حاكـــم وحاكــــــــــم العيال المفلحون
………..
عيــالـه اللي خالقي دايــم تـــــدور له رضاه


ليــن عبـــدالله حكمها عاش دايـم فالعيـــــون
……….
عاش عبدالله وعاشوا أخوان تركي إسنـــــداه


الشاعر :
فواز علي الروقي

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s