الغدر والنم صفات سيئه قصيده للشاعر : فواز الروقي

بسم الله الرحمن الرحيم

اهلا وسهلا بكم في موقعنا الذي خصصناه للشاعر المعروف : فواز علي الروقي . المعروف باسم :” شاعر الوحده والسكون “

وهذه القصيده تحمل عنوان :  الغدر والنم

 

                       

لقيت الغدر سيف يحمله خبل بدون شعور

ويطعنبه رجالِ غافله يازين طاريها

 

تربى فالغدر وأصبح سنينه فالسنه وشهور

وتملك للصفات الطيبه وأمسى معاديها

 

بغيض القوم لو شفته أنيس وضاحكٍ مسرور

مايجلب غير عله مالها طبٍ يداويها

 

ولقيت النجس واشكاله جماعه عايشه فالزور

تحب الكذب واطباعه ويبقى غدرها فيها

 

تهز أذنابها فالمجتمع وتشب فالتنور

وتولع نار فتنه ماحدٍ يقدر يطفيها

 

على البغضاء تجمعها كلامٍ قدمنا مذكور

جماعه فالبطاله والضعافه من مواريها

 

تشيل السيف فالغفله ولاهم من رجال الكور

وساحات الوغى ماعبرت أفعال ماضيها

 

ولاهم من هل الطاله ولاهم للعداة سبور

مع المرحان تلقاها تحسب في مواشيها

 

ولانذكر ضعيف القوم يظهر فاللقاء مشهور

مع الكسرات مدخاله ودروب الطيب غاويها

 

ولاينفع نهار الكون لو حامت عليه طيور

وعيب القوم لو ذلت ضعيفٍ يوم يتليها

 

وباب الغدر والحيله بلاء مبداء بدلاء دستور

ظلاله إتبعها خايبٍ وأمسى مواليها

 

يشيل الحكي وعلومه كغصه ناشبه فالزور

يزين مجلسه بالنمنمه ملعنك راعيها

 

على ربعه يشيل الحكي فالمجلس صلق لقدور

ويسو الفتنه اللي ماحدٍ يقدر يسويها

 

علاه لسان كالمنجل يخل الرجل كالمسعور

وعلاه أفكار خبل مايميز ويش تاليها

 

مع الفرقان يسهج للقدم شيٍ إلي مذكور

يجيك بحكي وعلومك على غيرك يوديها

 

يدور خله المسلم وسواء فوقها جمهور

وزينها وحلواها عشان الناس توحيها

 

ورى عيوب الملاء يسعى كأنه فوقها مجبور

ولآله سالفه غير العلوم اللي يبنيها

 

على دور الزمن يسعى وعلى دور الفلك بيدور

من آذان الفجر لين العرب تهج لأهاليها

 

كأنه فالعزى عايش كأنه فالقبر محشور

ليا ماجابله قصه كما العاده ليلقيها

 

حياته خايبه دامه أذاً يكشف عن المستور

ولابه ستر في ناسٍ تمشى في أراضيها

 

هذا العيب شخصيا مدامه فيه كالمسحور

شبيه العيب وأطباعه يقين الشك واطيها

 

عوين إبليس والمسلم من أفعاله ترى مكسور

يترصد مسلمين غافله وبالغدر يرديها

 

يدير الفكر وأفكاره ظلامٍ ماتشع النور

على شين العمل ترسي ويبحر من موانيها

 

على الساعه ضبط وقت ووقته ماجعله مهدور

وناسٍ تستمعله حزته دايم بترجيها

 

تطلعله وتحرى علة في حوزة المعثور

متعودتٍ على سمع الخبر لو كان مذيها

 

تشفقله ليا طول وترسله رجال سبور

وقلطاته علاهم كالغنايم يامتحليها

 

تونسبه ثواني عقبها يكون كالعصفور

وعيوبه إجلساه اللي تضحكله تزكيها

 

تهزابه ليا قفى ويذله مجلسٍ مجبور

وتسميه العلم والعلم والله من معانيها

 

وسيف الغدر بيدي الخبل ومسويٍ دكتور

وتعلم فالمذاهب علته مزرن لايشفيها

 

وفقد كل العوايد والصفات اللي بها مشكور

وبدلها بصفاتٍ دانيه ماني بمطريها

 

وسيف الغدر بيدين الخبل والخبل جاله طور

وقاف الشعر أبياتي رفض ياناس ينهيها

 

كمن النجس فالمجلس بلاء مذهب وأخذله دور

وحنى كلمته لازم علانا مانمشيها

 

لنا عاده لنا مذهب ومجالسنا حرمها السور

ولاتاصل عوايدنا الظلاله ولاتخاويها

 

ترانا مجتمع صالح ولانسمع من المعرور

ولانرضى عيوب الناس يجلبها ويبديها

 

ولانرضى يشيل علومنا ويسوقها طابور

ومحبتنا يبدلها بحروبٍ من يناحيها

 

ترى البغضاء يولدها خبيثٍ بالحكي مغرور

ليامن العرب غفلت إرماح الغدر يرميها

 

يجالسنا جليس السؤ والمنكر عليه نشور

كأنا أغبياء مانعرف الفتنه وهاويها

 

نعلم بالخفايا والخفايا أول الميسور

ونهمل في عنانه لين قلعتنا يعديها

 

نجامل خاينٍ وليا إعتذر قلنا ترى معذور

وسيوف الغذر ورماحه قبل عامين شاريها

 

نزينله علومٍ واطيه ونقوله ماجور

كأنه الصفات الطيبه ياناس حاويها

 

نزينله مسار الفسق والبغضاء تعم الدور

سبايب واحدٍ روس الرجال أمسى يوطيها

 

نزين مجلس الآفه وهدفها تدبله بالفور

وتمحق إلفتٍ بين العرب عزت لأساميها

 

وترى من يقبل الفاسق جليس نعرفه بالبور

ولانسمح يوالينا وربوعه مانواليها

 

ولقيت الغدر سيفٍ يحمله خبلٍ بدون شعور

ويطعنبه رجالٍ غافله يازين طاريها

 

الشاعر

فواز علي الروقي

 

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s